في محاضـرة ما بيسأل المُحاضِرعن أسماء الناس وخلفياتهم المعرفية وفي ست سنها متقدم شوية عن الناس اللي موجودة بيسأل المحاضر " وأنت اسمك إيه ؟ " للبنت اللي وراها بترد الست وهي بتحسب إن الكلام ليها وبتقول " أنا والدة أسماء " ، ربة منزل !
بيكمل المحاضـر " وجاية معاها ليه ؟ خايفة عليها ؟ "
أصل إحنا جايين من اسكندرية فخارجين من بدري !
أصل إحنا خارجين الساعة 2 بالليل !
أصل إحنا جايين من اسكندرية فخارجين من بدري !
أصل إحنا خارجين الساعة 2 بالليل !
بيرد المحاضر : يا نهار أسوح ! وأنتِ كل مرة هتيجي من اسكندرية من 2 بالليل ؟
بترد الست : لا احنا هنقعد في الغربية علشان قريبة !!!!!!!!!!
أصلها أقربلها من اسكندرية . .
بترد الست : لا احنا هنقعد في الغربية علشان قريبة !!!!!!!!!!
أصلها أقربلها من اسكندرية . .
وهتيجوا كل يوم !! ، دا أنا هحطكوا على راسي .
بترد الست : د أنا جاية مخصوص علشان أشوف حضرتك !
بترد الست : د أنا جاية مخصوص علشان أشوف حضرتك !
أقسم بالله أنا جسمي قشعر ، اللي هو إيه ده ؟ إيه الدعم ده ؟ إيه المساعدة دي ؟
كلمة السر كانت وهتفضل هي الستات في مصر والله ، في ظل كل شيء ، وبرغم كل شيء هتفضل كلمة السر هي الستات . .
بنت جاية من اسكندرية بتطلع الساعة 2 بالليل علشان توصل القاهرة
مامتها جاية معاها في حين إن الموضوع بكل الطرق مستحيل ، وإذا قالتلها مليون لا خوفًا عليها وجابت كوكب الأرض كله تشهدهم كلهم هيقفوا معاها ، ومع ذلك تيجي معاها مخصوص من 2 بالليل ، وتقعد في مكان تاني علشان بنتها تتعلم قدر ما الله أعلم هيفيدها ولا لا ، وهيفيدها في إيه برضه الله أعلم !!
مامتها جاية معاها في حين إن الموضوع بكل الطرق مستحيل ، وإذا قالتلها مليون لا خوفًا عليها وجابت كوكب الأرض كله تشهدهم كلهم هيقفوا معاها ، ومع ذلك تيجي معاها مخصوص من 2 بالليل ، وتقعد في مكان تاني علشان بنتها تتعلم قدر ما الله أعلم هيفيدها ولا لا ، وهيفيدها في إيه برضه الله أعلم !!
ده بيحصل في ظل معرفتي لناس أقسم بالله كل مشكلتهم في الحياة أهاليهم ، يعني لولا وجود أهاليهم في حياتهم كانوا بقوا أحسن الناس مش من أحسن الناس ، ده بيحصل في حين إن في كتير من الأهالي بتبقى هي العقبة الوحيدة قدام ولادها ، ده بيحصل في حين إن في ناس بيبقى سبب همهم في الحياة أهاليهم ، في حين إن في أهالي بيحتقروا أطفالهم ويوصلوهم لدرجة من كره نفسهم ملهاش حل ولا علاج ، ده بيحصل في حين إني أعرف أهالي كتير هما العقبة الوحيدة في طريق تطور أولادهم . . ، ربما يكون مصدر القلق وقلة الثقة بالنفس بس لإن الأهالي بتظن في ولادها إنهم خيبة وإنهم مينفعش إنهم يعملوا حاجة ، وفشلة ومش نافعين ، وزي قلتهم ، وأقاربهم أفضل منهم . .
في ظل كل ده في والدة أسماء اللي بتثبت إن الموضوع مش علام بقدر كونه قلب وحس واعي ، ربما تكون والدة أسماء متعلمتش ، أو اتعلمت وقررت إنها تبقى ربة منزل لكـن بالتأكيد كل الناس هتتمنى إنها تبقى أهاليها بتشجعهم بالقدر ده ، وبتشوفهم حلوين كده ، وبتحاول تساعدهم على أي خطوة في الطريق الصح حتى لو مكنش في ثقة أو علم أو معرفة بإن الطريق ده هيبقى آخره إيه . .
والدة أسماء مثال حي إن الموضوع مش كسبي ، وإن كل عقبة يمكن تيسر بواسطة الأهالي ، وإن ممكن تكون أمك هي جمهورك الوحيد فعلًا اللي يرفعك لسابع سما حتى ولو كنت أنت مجرد طفل صغير ، البيئة بتصنعك ويا سلام لو كانت البيئة دي أهلك .
ياريت نص الكوكب أم أسماء .
والحمد لله على نعمة أبويا وأمي وحبايبي .
والحمد لله على نعمة أبويا وأمي وحبايبي .
إرسال تعليق