الفلوس اللي هتدفعها في كورس إنجليزي ، أو تعلم أي شيء متاح إنك تتعلمه مباشرة وبدون فلوس على الإنترنت هي فلوس في الغالب ضايعة إلا لو كان ليك غرض ما تاني من الكورس ، الكورسات اللي على الإنترنت في كل المجالات وتقدر توفرلك كتير جدًا ..
كل المشكلة إن الموضوع محتاج قدر من الانضباط الذاتي مع نفسك علشـان تقدر تلتزم فعلًا ، وتبقى فاهم إنك داخل علشان تتعلم فعلًا مش داخل علشـان تاخد شهادة ، كفاية الشهادة المزيفة اللي استلمتها على مدار حياتك التعليمية من بدايتها لنهايتها ، فلما تلجأ للإنترنت يبقى هدفك الأول التعلم والاستفادة ثم الشهادة جات كان بها مجاتش تشوف حل علشـان تثبت قدراتك دي إنما متكونش الشهادة هي الهدف .
والناحية التانية إنك لما يكون عندك قدر من الانضباط الذاتي ده مع نفسك وتقدر تتم كورس وتتعلم منه فعلًا فأنت كسبت كتير . .
كسبت وقت كبيـر كان هيضيع في المشاوير والمواصلات ، وكسبت فلوس كنت هتدفعها للكورس ده ، وكسبت العلم اللي في الغالب هيبقى من أفضل جامعات العالم وكل ده وأنت في بيتك بتعب ومجهود أقل . .
قدر من الانضباط الذاتي يوفرلك كتيـر جدًا . .
إرسال تعليق