أنا اتكلمت قبل كده عن قاعدة " الواحد أكبر من الصفر" وأنا بتكلم عن محبي الكمال ورواد نظرية يا كله يا بلاش.
لكن في قاعدة تانية أهم من دي وهي إن "الصفر أحسن من السالب"
يعني أشوف كورس يبدو إني مش هطلع منه بكم الاستفادة اللي أنا كنت متوقعها ولا أشوف مسلسل؟ شوف الكورس طبعا.
أنزل الجامعة أحضر محاضرة نسبة الاستفادة فيها ٢٪ ولا أقعد أبحلق في الفراغ الكوني؟.. انزل الجامعة.
اقرا رواية ملهاش أي تلاتين لازمة ولا أنزل أقعد مع أصحابي ننم على الناس؟ اقرا الرواية..
الصفر أو توهمك إنك هتطلع من ده بصفر أفضل بكتير من حاجات تانية نتايجها كلها بالسالب.
إرسال تعليق