8.كل ما تحتاجه في دورات م. أيمن عبدالرحيم ( تفريغات - لينكات - ترشيحات - تكليفات - مراجعات كل الدورات )

الكتب اللي تستحق القراءة ، والجيدة ، والممتازة كتير جدًا جدًا ، وأحسب إن الإنسان لو قضى عمره كله علشان يقرأ كل الإنتاج الجيد في علم واحد أو اثنين لن يقدر إنه يقرأ كل شيء ، بالإضافة ل ده في أزمة في القراءة وهي النسيان .

بعض الناس بتعتبر إنها مادام بتنسى يبقى متقرأش لإن ما كده كده بنسى إلا إن ده مش صحيح ، زي ما مولانا بيقول " اللي أنا بعمله معاكم ده " بناء نباتي " يعني أنا ممكن ألخصلك كل اللي عاوز أقولهولك في محاضرة في الآخر ولكـن مش دي الفكرة ، الفكرة إن البناء النباتي ده بينمو واحدة واحدة ، بتتراكم المعرفة شوية شوية الصورة بتتضح ومع تراكم الأفكار وجهتك بتتغير "
وهي دي فكرة القراءة ، أنت لما بتقرأ كتاب في العادي " للثقافة " العامة فأنت مش هتقعد تذاكر الكتاب ، ولا بتحول الكتاب لأسئلة وأجوبة . .
الكتاب ممكن في النهاية يتلخص في دقيقة واحدة
" بص يا سيدي الكتاب ده في النهاية فكرته كذا "
في كتب بتبقى بتديك شيء عملي ف ممكن بدل دقيقة تتلخص في خمسة
" بص هو كان عاوز يعالج التسويف وقعد يقول 50 طريقة ل ده "
وفي روايات ودي يمكن تلخيصها في ثانية في الغالب
" البطل هيموت في الآخر بس مش هحرقلك الباقي "
ودي كلها إطلاقات ، ومعظم التعميمات مش صحيحة إلا إني بتكلم عن المعظم .

ف فكرة إنك علشان تقرأ كتاب هتفتكره بصفحاته وتقول الحتة دي كان قالها في صفحة 18 على اليمين ده مش هيحصل وده لازم تبقى أنت مدركه وأنت داخل على الكتاب .
ومن هنا بعض الناس بتدخل على الكتاب تلاقيها عامله هايلايت على كل الكتاب . . !

طب وأنت كده استفدت إيه ؟
المفروض إنك بت هايلايت علشان لما ترجعله تاني تقدر ترجع للي أنت عاوزه بسهولة .

المهم أنا مش بصدد الكلام عن القراءة عمومًا ولكـن الكلام بس بيجيب بعضه . .
اللي عاوز أقوله إن في كتب مهمة تشحنك وتخليك أفضل ودي غير الكتب اللي دايمًا كل واحد في مجال ما يقولك الكتب دي لازم تكون في مكتبتك ودي بتختلف بإختلاف التوجه والمجال وغيره لكـن اللي بتكلم عليه هنا كتب مهمة لكل إنسان ، للإنسان بوصفه إنسان مش أكتر من كده . . لو لخصناها في 4 كتب تبقى

1- قيمة الزمن عند العلماء : https://waqfeya.com/book.php?bid=471
=====
2- صفحات من صبر العلماء على شدائد العلم والتحصيل : https://waqfeya.com/book.php?bid=175
=====
3- علو الهمة : https://waqfeya.com/book.php?bid=84
=====
4- دع القلق واستمتع بالحياة : https://www.kutub-pdf.net/b…/5985-دع-القلق-وابدأ-الحياة.html
=====
5- كيف تكسب الأصدقاء وتؤثر في الناس : https://www.kutubpdfbook.com/…/كيف-تكسب-الأصدقاء-وتؤثر-في-ا…
=====
6 - الجزء الأول من كتاب " السبل المرضية " : https://archive.org/details/sobol-3
=====
7- إدارة الوقت بين التراث والمعاصرة : https://waqfeya.com/book.php?bid=1127
=====
8- جدد حياتك : https://www.kutub-pdf.net/book/جدد-حياتك.html
=====
9-المهم أولًا : http://bit.ly/2XHqJbb
=====
10- كيف تخطط لحياتك : https://www.kutub-pdf.net/book/كيف-تخطط-لحياتك.html

الكتب دي مش هدفها إنك تقرأها وتخلصها أبدًا ، الكتب دي سواء أنت أصلًا قارئ ، ولا مبتقرأش ، مهتم بأي حاجة ولا مش مهتم ، الكتب دي جمهورها كل الناس ، تنزلها كده وتحطها جمبك على الكومودينو وكل ما تزهق من اللاشيء اللي بتعمله خدلك كام صفحة.

لو في كتاب تاني تحب تضيفه للقايمة دي اكتبه في الكومنتات .