تقريبًا 90% من مشاكل الإنجاز وتحقيق الاهداف متعلقة بإنك تكون بتعرف تدير وقتك كويس ، وباقي المشاكل كلها تندرج تحت الـ 10% المتبقيين .
في البداية حاول إنك يكون ليك نظام ثابت في إنك يبقى ليك معدل إنجاز يومي ثابت ، يعني هتشوف حاجة وثائقية مثلاً لمدة ساعة ، أو هتشوف حلقة من كورس لمدة ساعة ، وتبدأ بأقل حاجة ممكنة ، يعني ابدأ بنصف ساعة فقط ويا سلام لو كانت في وقت واحد ، ممكن تظن إن النصف ساعة مش مؤثرة لكـن ده غير صحيح في الحقيقة تراكم النص ساعة أو ساعة ده يعني معاك أسبوعياً معدل متوسط من 3.5 إلى 7 ساعات ودول تقدرتعمل فيهم حاجات كتير جدًا وفي نفس الوقت أنت بتتعلم تتحكم في نفسك وده أهم حاجة .
أنا اتكلمت قبل كده عن إدمان الحاجات العادية زي إدمان شرب الشاي حتى ، أو إدمان إنك تبص على الفيس بوك كل خمس دقايق ، الحاجات العادية دي لو قدرت تتحكم فيها بتكتسب ثقة أكبر في نفسك في الحاجات التانية ، جرب تبطل تعمل شيء مش مفيد بس لمدة يوم أو حتى نص يوم وتدرج .
وأنت بتحط الهدف الأول اوعى تخليه كبير ، خليه نصف ساعة حلو جدًا ثم تدرج ، في النهاية ولو استمريت على ده هيبقى وقتك في النهاية فيه ساعتين تلاتة هما اللي بتضيع فيهم وقت لـكـن باقي وقتك مبذول ناحية هدف ما . .
إرسال تعليق