مفهوم " الســواء النفسي " من المفاهيم الغامضة جدًا في علم النفس ..
يعني أنا امتى هقول على الشخص ده مريض نفسي ؟
لما تقدر تعرفلي يعني إيه " السواء النفسي " وساعتها بسهولة أي شيء خارج ده يبقى مرض نفسي ، أو سلوك مرضي ، أو اضطراب في الشخصية أو ما شابه .
وعلشان نفرق ما بين " السواء " و " اللاسواء "
العلماء وضعوا مؤشرات كتيـر جدًا أنا مهتم أعرض هنا معيارين المعيار الذاتي ، والمعيار الاجتماعي .
في المعيار الذاتي ده الشخص بيحكم على كل المخالفين له بإنهم مش أسوياء ، مرجعية الشخص هو نفسه ، وما يعلمه ، وما يؤمن به وبالتالي أي شخص مخالف للإعتقادات اللي الشخص الأولي يحملها عن نفسه والعالم من حواليه بيبقى " مش سوي نفسيًا " اللي هي هي بتبقى في أحيان تانية في علوم تانية " مبتدع " أو بتبقى في لغة الشارع " ياعم سيبك منه ده عيل دماغه تعبانة "
في معيار تاني وهو معيار اجتماعي .
في المعيار الاجتماعي بيبقى الشخص غير سوي إذا خالف المجموع والمجتمع
يعني الشخص هيبقى غير سوي لما يعمل شيء مش متوقع اجتماعيًا .
في المعيار الاجتماعي بيبقى الشخص غير سوي إذا خالف المجموع والمجتمع
يعني الشخص هيبقى غير سوي لما يعمل شيء مش متوقع اجتماعيًا .
إدراك المعايير دي مفيد جدًا قبل الدخول في أي نقاش أو حوار . .
لإنك هتحاول إنك تتجنبهم فيبقى أسلوبك في الحوار منطقي ويمكن النقاش معاك
لإنك هتحاول إنك تتجنبهم فيبقى أسلوبك في الحوار منطقي ويمكن النقاش معاك
أو أنت نفسك هتكتشف إن اللي قدامك بيعمل حاجة من الاتنين دول فترحم نفسك ومتدخلش في مناقشات مع حد يعني .
وعلشـان كده الواحد مش مهتم إنه يناقش حد ، أو يغير وجهة نظر حد ، أو يحسن صورة نفسه عند حد ، أو يرد على حد بيلقح عليه من بعيد بس مش عاوز يقول اسمه . .
كلماتي الأثيرة " الحياة أرحب من كده "
كبر دماغك ، وسيب الناس تتكلم وأنت مفيش في قلبك شيء لإنهم مش هيسكتوا ، وكمل في طريقك حتى لو عكس كواكب المجموعة الشمسية كلها ، علشان لو التفت لكل واحد معدي إداك كومنت على نفسك إن شاء الله هتنتحر بدري 
.
.
إرسال تعليق