U3F1ZWV6ZTM4NDQ1NjEzNzA0NzE5X0ZyZWUyNDI1NDgxNzU1MDI3MA==

المتابعون

نبي الزمان

الحجم



 كل كتاب في الدنيا بيكون في هدف من وراه، الهدف والقيمة دول بيحددهم الكاتب، وكل محاولة للحكم على الكتاب بدون الرجوع لغرض المؤلف الأصلي بيبقى أمر عبثي جدًا، يعني مينفعش كتاب موضوع بالأساس للمبتدئين تيجي أنت تضع من أوجه نقدك للكتاب إنه كتاب للمبتدئين وكأنها مفاجأة، كذلك مينفعش تقول إن كتاب ما صعب وتتجاهل تمامًا إنه الكتاب مش مستواك أصلًا، أنا مقدرتش أعرف إيه الهدف من الكتاب.

الكتاب لطيف، صغير من حيث الحجم، به معلومات إلى حد ما معروفة، مختصر إلى حد كبير جدًا، بيقسم الكتاب السيرة النبوية إلى خمس مراحل..
المرحلة الأولى من بداية الخلق إلى مولد النبي..
والتقسيمة لطيفة الحقيقة لو استغلت، لكن اللي اتقال عن السيرة من بداية الخلق وحتى مولد النبي جمع في صفحتين تلاتة مفيهمش أي قدر من الاستفادة، فمفيش جدوى من التقسيم.

المرحلة الثانية: من المولد للبعثة، والتالتة والرابعة المرحلة المكية والمدنية، ودول هما الكتاب، ثم جزء أخير من الوفاة إلى قيام الساعة.

في الجزء من الوفاة إلى قيام الساعة هنرجع للاختصار الشديد جدًا اللي في أول الكتاب، وهتكون الاستفادة شبه معدومة، كلمتين على الخلفاء الراشدين، وأسماء الدول، وده برضه مش كفاية، ولا هي معلومات، ولا هي مش معلومات.

ثم في باب زيادة في الآخر في ذكر أسماء النبي صلى الله عليه وسلم وذريته، والحقيقة الجزء ده شبه الكتيباتا لصغيرة بتاع الحفظ السيئة جدًا اللي هي بتعرف منها اتجوز كام، وخلف كام وما إلى ذلك.

في الكور بتاع الكتاب اللي هو الجزء بتاع العهدين المكي والمدني بيتم التركيز بشكل كبير جدًا، أو بيتم إلقاء الضوء بس على غزوات الرسول بوصفها الأحداث الأكبر في حياته، ولكـن لا منك قدرت تدرك الأحداث بشكل مفصل، ولا منك قدرت تاخد نبذة تبقى كافية، فالكتاب بيلعب في مساحة وحشة جدًا.

الكتاب وضع ليكون عبارة عن ساعة زمنية تقرأها في مجلس واحد مع طلابك، أو مع أصحابك، لكـن الكتاب مفيهوش روح، يعني مفيهوش جزء تربوي تتعلم منه، ولا جزء إيماني يثريك، ولا جزء لغوي تستمتع وأنت بتقراه، الفكرة كلها إنه مختصر، والاختصار مش وحش، بس ده لا يقرأ بقى، إنما يبقى مفيد لو أنت أنهيت السيرة وعاوز تبص على الأحداث بتاعها كلها في كام ورقة بس.

الكتاب ممكن يستمتع بيه الناس الصغيرين أكثر لإن قدرتهم في الحكم على الأمور لسه مش مكتملة، وفي نفس الوقت الترتيب اللي بيبين السيرة كلها ممكن يكون كاشف لهم ويحبوه.

الكتاب ممكن يرجع له زي ما قلت بعد الانتهاء من السيرة، لكـن لما أحب أقرأ كتاب عن النبي مش هيكون ده الكتاب اللي أحب أرجعله.

#كتاب_وريفيو
#نبي_الزمان


تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة