في فرق كبير ما بين كلمة " عايز " أعمل كذا ، وما بين اللي أنت بتعمله فعلًا ، طبيعي جدًا إن كمية الحاجات الموجودة في خانة " عايز " تكون أكبر بكتير من اللي بيتعمل ولكـن كل ما كانت الفجوة بين اللي عاوزه واللي بتعمله كبيرة كل ما كان الموضوع مش صحي أبدًا ويشك في أهمية وقوة إرادتك لتحقيق اللي أنت عايزه ده .
كذلك في فرق كبير بين الخطة اللوزعية اللي بتحطها والطريق اللي بتمشي فيه ، الخطة نفسها أنت بتعمل حاجة طوباوية جدًا وتحطها قدامك علشان معدل انحرافك عن الطريق ميبقاش كبير لكـن لا تظن إن ده اللي أنت هتنزل على الأرض تعمله ؛ لأن الخط المستقيم الواصل بين نقطة البداية ونقطة النهاية ده مرسوم في دماغك بس لكن ملوش أي وجود في أرض الواقع .
ولذلك زمان جدًا سمعت حد مش فاكره بيقول جملة ومن يومها وأنا كتبتها على الحيطة وخليتها قدامي علطول وهي . .
" مثاليون في تصور الهدف ، واقعيون في تصور الطريق "
إرسال تعليق