نتيجة الثانوية العامة خلاص على وصول . .
والثانوية العامة في مصر بتطلع تريند بوصفها خبرة مشتركة بين الكثير من الناس الموجودة على الوسشيال ، وبتبدأ الحرب بداية من إعلان النتيجة وبتتقسم السوشيال ميديا لمجموعة من الفرق .
والثانوية العامة في مصر بتطلع تريند بوصفها خبرة مشتركة بين الكثير من الناس الموجودة على الوسشيال ، وبتبدأ الحرب بداية من إعلان النتيجة وبتتقسم السوشيال ميديا لمجموعة من الفرق .
في البوست ده أنا عاوز أركز كلامي على مجموعة من الأفكار اللي ممكن تساعد ولو بشكل صغير نحو فهم أوسع لظاهرة الثانوية العامة في مصر والتعليم في مصر عمومًا ، هات كوباية شاي جمبك كده وروق عليا خالص .
في ظاهرة أنا لاحظتها بتتكرر عمومًا في تاريخ الشعوب وكتبت عنها بوست سابقاً بعنوان " تأثير السوشيال ميديا . . عن ارتقاء الناس من القاع وازدحام القمم بقاع يظن فيه القمة " هتلاقيه في أول كومنت .
ملخص البوست إن الناس لما بتمشي مع فكرة ما فترة طويلة ، والفكرة دي تبدأ تنتشر وتكون فكرة يبان في بدايتها إنها حاجة كويسة جدًا ولكـن بعد فترة تكتشف إنها كان فيها قدر كبير جدًا من العك الناس بتتقلب ضدها تمامًا .
وضربت عدد من الأمثلة بالشيوخ في فترة ما بعد الثورة وقبلها ، بالتنمية البشرية في وجود وغياب إبراهيم الفقي ، وكذلك مسألة الثانوية العامة .
الناس زمان - ومازالوا - بيعتبروا الثانوية العامة هي أهم شيء في حياة الإنسان ، سنة هتحدد مصيرك ، سنة هتقول أنت ناجح ولا فاشل ، سنة هتعرفك الناس هتدعمك ولا هترميك في الزبالة ، هتدخل طب وتشرفنا ولا آخرك هيبقى آداب .
والفكرة دي سيطرت بشكل كبير ولذلك أنتجت لنا شوية مفاهيم كده من ضمنها إنك اتعب في الثانوية علشان ترتاح في الكلية الفكرة اللي حاليًا بقت تريند مخالف - تأكيد لفكرة المقال - ومنها كذلك ما يعرف بكليات القمة وكليات القاع ، ومنها كذلك أزمة التخصص ، ومنها كمان الوجاهة الاجتماعية والتظاهر بالتعلم ، وغير ذلك
من هنا الناس بدأت تهتم بالثانوية العامة وتعقد مصيرها كله عليها . .
الناس بقى لما بتدخل الكليات بتفاجئ بواقع مخالف تمامًا لكل الطموحات اللي هي كان نفسها فيها ، كأنك فاكر إنك هتخلص وتلعب في تشيلسي تلاقي نفسك بتلعب في أسمنت السويس فيبدأ الناس تنقلب على الفكرة إن الثانوية العامة دي ملهاش قيمة فيطلع مجموعة من الناس ودول الفريق الأول اللي هيقولولك الثانوية العامة دي ملهاش أي قيمة ، ويعمل إيه التعليم في وطن ضايع ؟ ، وإذا كنتوا ك ناس جابت درجات عالية وبتاع فاكرين إن أنتو عملتوا حاجة فأنتو معملتوش حاجة وكل ده في الفاضي .
من ناحية تانية عندنا الناس الطبيعية اللي هي بتقول الثانوية هي أهم حاجة .
وأنا بتكلم هنا عن الفريقين الاكستريمز مش على الناس المدركة حقيقة الموضوع .
وخلونا نسأل السؤال نفسه . . هل الثانوية العامة ليها قيمة ؟
وعلشـان نجاوب على السؤال ده محتاجين نسأل . .
وعلشـان نجاوب على السؤال ده محتاجين نسأل . .
هل التعليم في مصر كله له قيمة ؟
والحقيقة لو سألت أي إنسان هيقولك إن التعليم في مصر ملوش قيمة ، وإن السنين اللي أنت بتضيعها في التعليم دي لو استغليت نصفها استغلال جاد هتبقى طفرة في حياتك كلها
طب لما هو كده ليه كل الناس مهتمين بالموضوع الاهتمام ده ؟
لأكتر من سبب أهمهم زي ما مولانا بينقل عن د. أحمد خالد توفيق إنه " في مصر ليس المهم أن تكون المهم أن تبدو "
لأكتر من سبب أهمهم زي ما مولانا بينقل عن د. أحمد خالد توفيق إنه " في مصر ليس المهم أن تكون المهم أن تبدو "
مش مهم أنت اتعلمت إيه ، مش مهم أنت فهمت ولا لا ، مش مهم أنت درست ولا لا كل المهم أنك تبدو إنك فاهم ، وتبدو إنك مذاكر ، وتبدو إنك بتشتغل ، وتبدو إنك عايش .
وبالتالي التعليم في مصر والثانوية هي مصدر من مصادر الوجاهة الاجتماعية في وسط الناس كده هتحترم لو أنت دكتور ، هتبقى ملكش قيمة لو أنت في آداب .
طيب إن كان التعليم في مصر ملوش قيمة هل ده معناه إنه الشخص اللي جاب تقدير عالي في الثانوية ده عمل شيء ملوش أي قيمة ؟ ويبدأ السف عليهم وعلى الأوائل تحت أخبار زي " الأول على الثانوية العامة يرفض منحة الجامعة الأمريكية ويقول أنه يريد أن يدرس في جامعة القاهرة " ، أو " الاولى على الثانوية العامة تقول : عاوزة أدخل طب وأبقى زي الدكتو مجدي يعقوب " أو ما شابه . .
برضه ده من ضمن التطرف اللي بنعيشه . .
وزي ما بيقول مولانا " الثانوية العامة ملهاش قيمة ، لكـن الشخص ده بذل جهد منظم ومرتب وعرف يذاكر إزاي ، ويحافظ على وقته ، ويجتهد ويلزم نفسه بشيء ، وعرف حتى إنه يحفظ " يعني بغض النظر عن قيمة الثانوية لكـن الشخص نفسه رائع إنه عمل ده فقط محتاج بعض التعديلات في الوجهة ليس أكثر .
فلو أنت طالب في ثانوية عامة وسمعت كلام من نوعية دا أنتو هتندموا في الكليات ، أو اللي أنت عملته ده ملوش لازمة متهتمش أبدًا بالكلام الفارغ ده وانساه وانسى الشخص نفسه .
ولو أنت طالب جبت مجموع قليل وقابلت الناس اللي على الناحية التانية اللي هتقولك إنك فاشل مطلقًا ، والموضوع انتهى ، ومصيرك كده اتحدد إنك من أهل النار ، ومفيش أي طريق يخليك تحقق كل اللي تتمناه فانسى برضه الكلام الفارغ ده .
الثانوية العامة مرحلة زيها زي أي مرحلة عدت عليك مفيش جديد ولا حاجة الأزمة الحقيقية فيما بعد الثانوية وهي أزمة الكليات في مصر . .
افرح بنجاحك وخد وقتك في الفرح ده ، ولو موفقتش احزن وسيب لنفسك وقتها إنها تسترجع عافيتها بس متقفش عند المرحلة دي وإلا هو ده اللي هيخسرك كتير ، وأما الامور تنتهي ابدأ شوف أنت ناوي على إيه .
الكليات في مصر لا تخرج إنسان سوي نفسيًا ولا بتخرج إنسان عنده محتوى علمي يقدر ينافس فيه ولا بتخرج إنسان قادر على مواجهة العالم اللي حواليه ومتغيراته .
أنت بتخرج وكأنك لسه بتحاول تبدأ وتشوف الدنيا فيها إيه . .
أنت بتخرج وكأنك لسه بتحاول تبدأ وتشوف الدنيا فيها إيه . .
ولما تدخل الكلية ابقى حاول تلاحظ كده في كام دكتور من اللي بيدرسولك يستحقوا الاحترام والتقدير فعلًا وهما قيمة كده تفتخر بيهم ، بيفهموك ويعلموك وعاوزينك أحسن وبيرشدوك لإنك إزاي تكون أفضل منهم . . واعرف إن دول أوائل كلياتهم هتفهم علطول أنا قصدي إيه .
مفيش كلية ما مهمة وكلية ملهاش قيمة ، اللي بيحدد الأهمية دي حاليًا هي الشركات ، ولكـن المفروض أنت كشخص مدرك أساسيات دينك أيًا ما كان تبقى مدرك إن الكليات في الآخر كل واحد له تخصصه ومجاله ، والدكتور اللي بيعالج المرضى لا يزيد إيد ولا رجل عن الدكتور اللي بيدرس الناس لغة عربية ، وإن خريج كلية الصيدلة الشاطر مش أكثر تميزًا من خريج كلية علوم الشاطر . .
في الآخر الكلية هي مجرد وسيلة للي أنت عاوز تتعلمه ، أنت مش الكلية ، أنت الكلية ومليون حاجة ثانية بتقيمك في الآخر كشخص لكـن كونك خريج أي شيء ده مش معناه إنك أعلى ولا إنك أقل .
موضوع كليات القمة وكليات القاع ده موضوع بائس جدًا متلتفش ليه خالص انســـاه
وهتدرك بعض شوية وقت إنك لو كنت اجتهدت في مجالك كانت فرقت معاك كتير جدًا .
وهتدرك بعض شوية وقت إنك لو كنت اجتهدت في مجالك كانت فرقت معاك كتير جدًا .
في فكرة بتتقال وهي ذاكر في الثانوية وترتاح في الكلية . .
الفكرة خلاص اتفهم إنها مضروبة بس أنا عاوز هنا أقولك شيء تاني . .
الفكرة خلاص اتفهم إنها مضروبة بس أنا عاوز هنا أقولك شيء تاني . .
لو ذاكرت في الثانوية هتذاكر في الكلية ،
ولو نويت إنك متذاكرش في الثانوية ومغيرتش سلوكك مش هتذاكر في الكلية .
ولو نويت إنك متذاكرش في الثانوية ومغيرتش سلوكك مش هتذاكر في الكلية .
لا يوجد شيء اسمه " هترتاح " طول ما أنت موجود على ضهر الكرة الأرضية دي ، أو زي ما بيقولوا من طلب الراحة فقدها ، يعني إيه مرتاح ؟
يعني إيه اللي بيحصلك ؟
المذاكرة والمجهود اللي بتعمله هو مجهود في ميزانك ، ومفيش شيء اسمه راحة أو أجازة في فترة معينة أنت المفروض بتجتهد طول ما أنت عايش ، وبتاخد فترات تريح نفسك شوية بغرض إنك تبقى أقوى وتقدر تستكمل اللي فاتك بس كده وبالتالي شيل فكرة الراحة دي من دماغك خالص .
ولو جيت للحق فالكلمة الأهم اللي ممكن تخرج بيها من هنا إن مفيش تعليم في مصر . .
بس في تعليم على الانترنت هنا لحد ما ربنا يكرمك وتقدر تسافر
بس في تعليم على الانترنت هنا لحد ما ربنا يكرمك وتقدر تسافر
العالم مفتوح بشكل مهول جدًا ، كل شيء أنت عاوزه ممكن تدرسه وتتخصص فيه من أعلى جامعات في العالم بدون حرق الدم والحفظ والمناهج القديمة وأسلوب الشرح اللي يقرف .
.
.
كل اللي عليك إنك تقرر إنك تقضي حياتك في طلب العلم . .
اتعلم أساسيات دينك كويس جدًا لإن ده اللي هيقوم عليه مدار حياتك كلها .
اتعلم لغة عربية لإنها هي الأساس لتعلم والتميز في أي لغة تانية .
اتعلم لغتين تلاتة أو أكثر زيادة عن اللغة العربية واتقن الإنجليزية لإنها باب للتوسع في كل شيء .
اتعلم أساسيات التعامل مع الكمبيوتر ، ودورتين برمجة ولو حبيت توسع .
أساسيات علم النفس مهمة علشان تتعامل مع الناس ، وأساسيات التربية مهمة علشان متجبش عيال تعذبهم .
اتعلم منطق وتفكيرنقدي .
اعرف المهارات الأساسية المهمة لكل وأي مجال .
طور نفسك يوميًا ومتعديش يوم واحد من غير م تقرأ وتوسع مخك وفهمك .
اعرف إن مفيش حدود حرفيًا لطموحك ، وإن الحياة مبتقفش على ثانوية عامة ولا غير ثانوية عامة الحياة أرحب بكتير جدًا والخير كله موجود .
اعرف إن الخير كله كله في التعلم الذاتي والمستقبل للأحرار النابهين الأقوياء اللي يعرفوا يواجهوا العالم وميوقفوش نفسهم عند حدود حد تاني بيرسمهالهم .
وهختم كلامي بكلام مولانا وهو بيقول
" أنت محصلتش ، ومش هتحصل ، أنت نقطة متفردة في الزمان والمكان " .
هتلاقي في الكومنتات كام بوست كده يبقى كويس لو حبيت تبص عليهم .
إرسال تعليق